കണ്ണൂർ :- കണ്ണൂര്‍ താണ ധനലക്ഷ്മി ഹോസ്പിറ്റലിനു മുന്നില്‍ രാവിലെയുണ്ടായ വാഹനാപകടത്തില്‍ അഞ്ച് പേര്‍ക്ക് പരിക്ക്. രണ്ടു കാറും ഓട്ടോയുമാണ് കൂട്ടിയിടിച്ചത്. തളിപ്പറമ്പ് ഏഴാംമൈലില്‍ നിന്നും പെരിന്തല്‍മണ്ണയിലേക്ക് പോകുകയായിരുന്ന ടെറാനോ കാര്‍ ധനലക്ഷ്മി ഹോസ്പിറ്റലിനു സമീപത്തെ ജങ്ഷനില്‍ വച്ച്‌ മറ്റൊരു കാറില്‍ ഇടിക്കുകയായിരുന്നു. തുടര്‍ന്ന് ഈ കാറുകള്‍ നിര്‍ത്തിയിട്ട മറ്റൊരു ഓട്ടോയിലും ഇടിച്ചു. കാറിലുണ്ടായിരുന്ന തളിപ്പറമ്പ് ഏഴാംമൈല്‍ സ്വദേശികളായ ഇബ്രാഹിം കുട്ടി, നഫീസ, മുഹമ്മദ് അലി എന്നിവരെയും മറ്റ് രണ്ടുപേരെയുമാണ് ആശുപത്രിയില്‍ പ്രവേശിപ്പിച്ചത്.
Post a Comment