അമല് മുഹമ്മദിന് നൽകില്ല,ഗുരുവായൂര് ക്ഷേത്രത്തിലെ ഥാര് ജീപ്പ് വീണ്ടും ലേലം ചെയ്യും, ദേവസ്വം യോഗത്തില് തീരുമാനം
തൃശൂര് : മഹീന്ദ്ര കമ്ബനി ഗുരുവായൂര് ക്ഷേത്രത്തില് വഴിപാടായി സമര്പ്പിച്ച ഥാര് ജീപ്പ് പുനര്ലേലം ചെയ്യുും.
ദേവസ്വം കമ്മിഷണറുടെ ഉത്തരവ് നടപ്പാക്കാന് ദേവസ്വം ഭരണസമിതി യോഗം തീരുമാനിക്കുകയായിരുന്നു. ഥാര് പുനര്ലേലം ചെയ്യുന്ന തീയതി പത്രമാദ്ധ്യമങ്ങള് വഴി പൊതു ജനങ്ങളെ അറിയിക്കാനും ദേവസ്വം ചെയര്മാന് ഡോ: വി.കെ.വിജയന്റെ അദ്ധ്യക്ഷതയില് ചേര്ന്ന യോഗത്തില് തീരുമാനമായി.
ആദ്യ ലേലം പിടിച്ചത് എറണാകുളം സ്വദേശിയായ അമല് മുഹമ്മദ് ആയിരുന്നു. എന്നാല് ഒരാള് മാത്രമായി ലേലം പൂര്ത്തിയാക്കാന് കഴിയില്ലെന്ന പരാതിയിലാണ് ഇപ്പോഴത്തെ നടപടി.
മഹീന്ദ്ര കമ്ബനി ഗുരുവായൂര് ക്ഷേത്രത്തില് വഴിപാടായി സമര്പ്പിച്ച ഥാര് കാര് പൊതുലേലത്തിലാണ് ബഹ്റൈനിലുള്ള പ്രവാസി വ്യവസായിയും എറണാകുളം ഇടപ്പള്ളി സ്വദേശിയുമായ അമല് മുഹമ്മദ് അലി സ്വന്തമാക്കിയത്. ലേലം താല്ക്കാലികമായി ഉറപ്പിച്ചെങ്കിലും വാഹനം വിട്ടുനല്കുന്നതില് പുനരാലോചന വേണ്ടിവന്നേക്കാമെന്ന് ഗുരുവായൂര് ദേവസ്വം ചെയര്മാന് പ്രതികരിച്ചതോടെ ലേലതീരുമാനത്തില് ആശയക്കുഴപ്പമായി. 2021 ഡിസംബര് നാലിന് മഹീന്ദ്ര ഗ്രൂപ്പ് ഗുരുവായൂര് ക്ഷേത്രത്തിലേക്കു കാണിക്കയായി നല്കിയതാണ് കാര്. റെഡ് കളര് ഡീസല് ഓപ്ഷന് ലിമിറ്റഡ് എഡിഷനാണു ക്ഷേത്രത്തിലേക്കു നല്കിയത്.
Post a Comment