ദേശസേവ യു പി സ്കൂളിൽ പ്രവേശനോൽസവം നടത്തി
കണ്ണാടിപ്പറമ്പ് : കോവിഡിനെ അതിജീവിച്ച് വീണ്ടും അക്ഷര വെളിച്ചവുമായി വിദ്യാലയങ്ങൾ. 2022 - 23 അധ്യയന വർഷത്തെ നാറാത്ത് പഞ്ചായത്ത് തല പ്രവേശനോൽസവം കണ്ണാടിപ്പറമ്പ് ദേശസേവ യു.പി.സ്കൂളിൽ പി.ടി.എ പ്രസിഡണ്ട് എ എൻ രാധാകൃഷ്ണന്റെ അധ്യക്ഷതയിൽ പഞ്ചായത്ത് പ്രസിഡണ്ട് ശ്രീ.കെ. രമേശൻ ഉദ്ഘാടനം ചെയ്യുകയുണ്ടായി. ആശംസ അർപ്പിച്ചു കൊണ്ട് എൻ.ശ്രീകുമാർ (മാനേജർ . ദേശസേവ), റഷീദ. ടി(മെമ്പർ, ബ്ലോക്ക് പഞ്ചായത്ത്) ഒ പി. മൂസാൻ ഹാജി, പ്രിയ. ടി.കെ, റംന രാഘവൻ , വി.കെ സുനിത എന്നിവർ സംസാരിച്ചു. സ്കൂൾ ഹെഡ്മിസ്ട്രസ് എം.വി ഗീത സ്വാഗതവും ഇ ജെ സുനിത നന്ദിയും പറഞ്ഞു. തുടർന്ന് വിദ്യാർത്ഥികൾക്ക് മധുരവിതരണവും എൽ.കെ. ജി, യു.കെ.ജി, ഒന്നാം ക്ലാസ് വിദ്യാർത്ഥികൾക്ക് സമ്മാനപ്പൊതി വിതരണം ചെയ്യുകയും ചെയ്തു.
Post a Comment