അനിൽ ഒഡേസയുടെ നെന്മകത്തിനു കാർഷിക രംഗത്തെ മികച്ച ഡോക്യുമെന്ററിക്കുള്ള ദേശീയ പുരസ്കാരം. ഹൈദരബാദിലെ നാഷനൽ ഇൻസ്റ്റിറ്റ്യൂട്ട് ഓഫ് അഗ്രികൾച്ചറൽ എക്സ്റ്റൻഷൻ മാനേജ്മെന്റ് സംഘടിപ്പിച്ച കാർഷിക ഫിലിം ഫെസ്റ്റിവലിലാണ് പ്രാദേശിക ഭാഷ വിഭാഗത്തിൽ നെന്മകം തിരഞ്ഞെടുത്തത്.
മാർച്ച് 11ന് ഹൈദരാബാദിൽ നടക്കുന്ന അഗ്രി ഫിലിം ഫെസ്റ്റിവൽ വേദിയിൽ വച്ച് കർണാടക കൃഷിമന്ത്രി ബി.സി.പാട്ടീലിൽ നിന്ന് പുരസ്കാരവും സർട്ടിഫിക്കറ്റും ഏറ്റുവാങ്ങും. മയ്യിൽ പഞ്ചായത്തിലെ തരിശിട്ട വയലുകളിൽ നിന്ന് നെല്ലുൽപാദനത്തിൽ മുന്നേറ്റം ഉണ്ടായതിന് കുറിച്ചുള്ള ചിത്രീകരണമാണ് നെന്മകം.
കുറ്റ്യാട്ടൂർ ചെക്കിക്കുളം സ്വദേശിയായ അനിൽ ഒഡേസയ്ക്ക് കേന്ദ്ര സർക്കാരിൽ നിന്നും നേരത്തേയും പുരസ്കാരം ലഭിച്ചിരുന്നു. മയ്യിൽ ടൗണിലെ ഒഡേസ സ്റ്റുഡിയോ ഉടമ കൂടിയാണ് അനിൽ.
Post a Comment