ന്യൂസ് ടൈം

സാമൂഹ്യപ്രവർത്തകനും, കർഷകനുമായ എം.കെ രാമുണ്ണിമാസ്റ്റർ നമ്മളെ വിട്ടു പിരിഞ്ഞിട്ട് പതിനൊന്ന് വർഷം തികയുകയാണ്

കൊളച്ചേരിയിലെ ആദ്യകാല കമ്മ്യൂണിസ്റ്റ് നേതാവും , അധ്യാപകനും ( കമ്പിൽ മാപ്പിള ഹൈസ്കൂൾ ) സാമൂഹ്യപ്രവർത്തകനും, കർഷകനുമായ എം.കെ രാമുണ്ണിമാസ്റ്റർ നമ്മളെ വിട്ടു പിരിഞ്ഞിട്ട് 12 - 07 -2022- ലേക്ക് പതിനൊന്ന് വർഷം തികയുകയാണ്.  കൊളച്ചേരി പ്രദേശത്ത് കമ്മ്യൂണിസ്റ്റ് പാർട്ടിയുടെ പ്രവർത്തനം വ്യാപിപ്പിക്കുന്നതിന് മുൻകൈയെടുത്തിരുന്നു അദ്ദേഹം. തൻ്റെ രാഷ്ട്രീയ പ്രവർത്തനങ്ങൾക്കിടയിലും സാമൂഹ്യപ്രവർത്തനത്തിനിടയിലും അധ്യാപകനായിരുന്ന അദ്ദേഹം സ്വന്തമായി ഒരു വീട് ഉണ്ടാക്കുന്ന കാര്യത്തിൽ ശ്രദ്ധിച്ചിരുന്നില്ല. വീടില്ലാത്ത പാവപ്പെട്ടവർക്കുള്ള സ: എം .എൻ ഗോവിന്ദൻ നായരുടെ ലക്ഷംവീട് പദ്ധതി കൊളച്ചേരി പഞ്ചായത്തിൽ ലക്ഷ്യത്തിലെത്തിക്കാൻ സഖാവ് ഇ. കുഞ്ഞിരാമൻ നായരുടെ കൂടെ സ്തുത്യർഹം പ്രവർത്തിച്ച വ്യക്തിയായിരുന്നു രാമുണ്ണി മാസ്റ്റർ .  വർഷങ്ങൾക്കു മുമ്പ് തന്നെ ഞങ്ങളും കൃഷിയിലേക്ക് എന്ന ആശയം സ്കൂൾതലത്തിലും ഗ്രാമപ്രദേശത്തും എത്തിച്ചിരുന്ന വ്യക്തിയായിരുന്നു അദ്ദേഹം. മികച്ച കർഷകനായ അദേഹം കൊളച്ചേരി പഞ്ചായത്തിൽ കർഷകശ്രീ അവാർഡിന് അർഹനായിട്ടുണ്ട്.