ചിറക്കൽ: കേരള ഫോക് ലോർ അക്കാദമിയുടെ ആഭിമുഖ്യത്തിൽ കർക്കിടകപ്പെരുമ സംഘടിപ്പിച്ചു. ആസാദി കാ അമൃത് മഹോത്സവത്തിൻ്റെ ഭാഗമായി ആണ് തെരഞ്ഞെടുക്കപ്പെട്ട 120 ഹൈസ്കൂൾ വിദ്യാർത്ഥികളും നാട്ടുകലാകാരന്മാരും ഉൾപ്പെടെ നിരവധിപ്പേരാണ് കർക്കിടക പ്പെരുമയിൽ എത്തിച്ചേർന്നത്. കർക്കിടകപ്പാട്ടുകളും കൃഷിപ്പാട്ടുകളുമായി ഉദയൻ കുണ്ടംകുഴിയും ആടിവേടനുമായി മുരളി പ്പണിക്കറും ഇലയറിവുകളുമായി ദേശിയ ജനിതക അവാർഡ് ജേതാവ് സജീവൻ കാവുങ്കരയും കർക്കിട ഭക്ഷണ പരിചയമുമായി മോഹനൻ പള്ളിപ്പറത്തും കർക്കിടക പ്പെരുമയ്ക്ക് കൊഴുപ്പേകി.
ഫോക് ലോർ അക്കാദമി ചെറുശ്ശേരി ഓഡിറ്റോറിയത്തിൽ അക്കാദമി സെക്രട്ടറി എവി അജയകുമാറിൻ്റെ അധ്യക്ഷതയിൽ ചെയർമാൻ ഒ.എസ് ഉണ്ണികൃഷ്ണൻ ഉദ്ഘാടനം നിർവ്വഹിച്ചു. ചിറക്കൽ കോവിലകം രാമവർമ്മ രാജ ,അശോക് വർമ്മ രാജ എന്നിവർ മുഖ്യാതിഥികളായിരുന്നു. ക്ഷേത്ര കലാ അക്കാദമി സെക്രട്ടറി കൃഷ്ണൻ നടുവിലത്ത്, എഴുത്തുകാരൻ ടി.പി.വേണുഗോപാലൻ, ശിൽപ്പ രാജൻ , അക്കാദമി പ്രോഗ്രാം ഓഫീസർ പി.വി.ലവ്ലിൻ, സി.പി. സിന്ധു എന്നിവർ സംസാരിച്ചു.
Post a Comment