നാറാത്ത് ടൗണിൽ ശുചിമുറി നിർമ്മിക്കണമെന്നാവശ്യപ്പെട്ടുകൊണ്ട് നിവേദനം നൽകി

 നാറാത്ത് ടൗണിൽ ശുചി മുറി നിർമ്മിയ്ക്കണം : കോൺഗ്രസ്സ് നാളിതുവരെയായി ജനങ്ങൾക്ക് പ്രാഥമിക കർമ്മങ്ങൾ നിർവ്വഹിക്കാൻ സംവിധാനമില്ലാത്ത നാറാത്ത് ടൗണിൽ ശുചിമുറി നിർമ്മിയ്ക്കണമെന്ന് കോൺഗ്രസ്സ് നാറാത്ത് മണ്ഡലം കമ്മിറ്റി നാറാത്ത് ഗ്രാമ - പഞ്ചായത്തിനോടാവശ്യപ്പെട്ടു. അനേകം ഷോപ്പുകൾ, ഓട്ടോ സ്റ്റാന്റുകൾ, ടാക്സി സ്റ്റാന്റ് എന്നിവയും ദിവസേന നൂറുകണക്കിന് ആളുകൾ വന്നുപോകുന്ന ടൗണുമാണ് നാറാത്ത് . സൗകര്യമില്ലാത്തത് കൊണ്ട് സമീപ പ്രദേശത്തെ വീടുകളിലേക്ക് പോകുന്ന വഴിയിൽ മൂത്രമൊഴിക്കുന്നത് കൊണ്ട് വീട്ടുകാരുടെ പരാതികളും ഉണ്ട്. ശുചിമുറി നിർമ്മിയ്ക്കണമെന്നാവശ്യപ്പെട്ടുകൊണ്ട് കോൺഗ്രസ്സ് നാറാത്ത് മണ്ഡലം സെക്രട്ടറി ശ്രീ മനീഷ് കണ്ണോത്തിന്റെ നേതൃത്വത്തിൽ പഞ്ചായത്തിന് നിവേദനം സമർപ്പിച്ചു രാഹുൽ വാച്ചാപ്പുറം, പനയൻ സുധീഷ്, അഭയ് കെ.വി , ആയാർ മുസ്തഫ തുടങ്ങിയവർ പങ്കെടുത്തു.